திருச்சி விமான நிலையத்தில் வாகன நிறுத்தக் கட்டணம் இலவசம்: ஏப். 1 முதல் ஆணையமே வசூல்.!

திருச்சி விமான நிலையத்தில், ஏப்ரல் 1 ஆம் தேதி முதல் விமான நிலைய ஆணையமே, வாகன நிறுத்தக் கட்டணங்களை வசூலிக்கும் என நிலைய இயக்குநர் கே. குணசேகரன் தெரிவித்துள்ளார்.

இது தொடர்பாக சனிக்கிழமை நடைபெற்ற செய்தியாளர்கள் சந்திப்பில் அவர் மேலும் கூறியது : திருச்சி பன்னாட்டு விமான நிலையத்தில், வாகன நிறுத்த கட்டணத்தை தனியார் நிறுவனம் வசூலித்து வந்தது.  தற்போது விமான நிலைய ஆணையமே வாகன நிறுத்தத்தை நிர்வகிக்க உள்ளது.

கட்டண விவரம்:

விமானநிலையத்துக்குள் சொந்த, வாடகை வாகனத்தில் வந்து, 3 நிமிஷங்களுக்குள் பயணிகளை இறக்கிவிட்டு  ஏற்றிச்(பிக்-அப்) செல்ல கட்டணம் செலுத்த தேவையில்லை. 

ஆனால், வாடகை வாகனங்களில் வந்து பயணிகளை ஏற்றிச் செல்ல வேண்டுமெனில், விமான நிலையத்துக்குள் நுழைவுக் கட்டணமாக ரூ.40 செலுத்த வேண்டும். 

விமானநிலையத்தில் வாகனங்களை நிறுத்த 30 நிமிடங்கள் வரை:

பேருந்து, டிரக், வேன் - ரூ.30, 

கார் உள்ளிட்ட மற்ற வாகனங்கள்  - ரூ.20, 

இருசக்கர வாகனம் - ரூ.10 

30 நிமிடத்திலிருந்து 2 மணி நேரம் வரை நிறுத்த

பேருந்து, டிரக், வேன் - ரூ.70, 

டெம்போ, எஸ்.யூ.வி, மினி பேருந்து - ரூ.60, 

கார் - ரூ.55, 

இருசக்கர வாகனம் - ரூ.15 

2 மணி நேரத்துக்கு மேல், 7 மணி நேரம் வரை

நான்கு சக்கர வாகனங்களுக்கு தலா ஒரு மணி நேரத்துக்கு ரூ.10, 

இருசக்கர வாகனங்களுக்கு ரூ.5 கூடுதலாக வசூலிக்கப்படும்.

7 மணி நேரம் முதல் 2 நாள்கள் வரை...:

விமான நிலைய வளாகத்தில் 7 மணி நேரத்துக்கு மேல் 24 மணி நேரம் வரை நிறுத்த

பேருந்து, டிரக், வேன் - ரூ.210, 

டெம்போ, எஸ்.யூ.வி, மினி பேருந்து - ரூ.180,

கார் - ரூ.165,

இருசக்கர வாகனம் - ரூ.45

24 மணி நேரத்துக்கு மேல் 36 மணி நேரம் வரை

பேருந்து, டிரக், வேன் - ரூ.315,

டெம்போ, எஸ்.யூ.வி, மினி பேருந்து - ரூ.270,

கார்  - ரூ.247.50,

இருசக்கர வாகனம் - ரூ.67.50 

48 மணி நேரம் வரை நிறுத்துவதற்கு

பேருந்து, டிரக், வேன் - ரூ.420, 

டெம்போ, எஸ்.யூ.வி, மினி பேருந்து - ரூ.360, 

கார் - ரூ.330, 

இருசக்கர வாகனம் - ரூ.90  

பாதுகாப்புக் காரணங்கள் கருதி 48 மணி நேரத்துக்கு மேல் வாகனங்களை நிறுத்தி வைத்திருக்க அனுமதியில்லை. 

பயணத்தின்போது 2 நாள்களுக்குள் வர முடியாமல் இருந்தால், அதுகுறித்து வாகனத்தின் ஆர்.சி புத்தக நகலுடன் விமானநிலைய அதிகாரிகளுக்கு வேண்டுகோள் கடிதம் அளிக்க வேண்டும்.இல்லாவிட்டால் சம்பந்தப்பட்ட வாகனங்களின் உரிமையாளர்கள் மீது நடவடிக்கை எடுக்கப்படும்.

வழியில் நிறுத்தினால் அபராதம் : வாகனங்களை அவற்றுக்குரிய  தளத்தில் மட்டுமே நிறுத்த வேண்டும். 

வேறு பகுதிகளில் நிறுத்தினால் அபராதம்:

பேருந்து, டிரக், வேன் - ரூ.280, 

டெம்போ, எஸ்.யூ.வி, மினி பேருந்து - ரூ.240, 

கார்  - ரூ.220, 

இருசக்கர வாகனம் - ரூ.60 அபராதம் வசூலிக்கப்படும்.  

இந்த நடைமுறை  6 மாதங்களுக்கு மேற்கொள்ளப்படும்  என்றார் அவர். 

3 நிமிடம் போதாது: விமான நிலையத்துக்குள் பயணிகளை ஏற்றிஅல்லது இறக்கிவிட வரும் வாகனங்களுக்கு 3 நிமிடம் அவகாசம் வழங்கப்பட்டுள்ளது. இந்த  குறிப்பிட்ட நேரத்துக்குள்  விமான நிலையத்தை விட்டு வெளியே வருவது என்பது இயலாத காரியம். எனவே, பழையபடியே கால அவகாசத்தை 5 நிமிடங்களாக்க வேண்டும்  என கோரிக்கை விடுக்கப்பட்டுள்ளது.